MULTIMEDIA KIDS ACADEMY®

• Adobe Illustrator është aplikacion softuerik për krijimin e vizatimeve, ilustrimeve dhe veprave artistike digjitale. Me këtë program mësohen gjërat bazike në dizajn grafik duke i dalluar principet dhe elementet. Trajnimi me forma gjeometrike deri te format më komplekse, pas tyre aftësohet të krijojë: ilustrime, logo, poster, kopertina, ambalazhe, ftesa, brendim (kartvizitë, dokument, dosje, zarf, uniformë etj).

Adobe Photoshop është aplikacion softuerik që lejon përdoruesit për të krijuar, redaktuar dhe manipuluar imazhe dixhitale. Te ky nivel nxënësi fillon e mëson punën me pixel-a, mjetet e punës, mundësin e punës me vektor, pastaj të manipuloj me foto, të përdorë efekte speciale, të njohë në thellësi punën me shtresa në Photoshop, krijimin e mock up-s, retouching, manipulimin e objekteve në 3D, krijimin/montazhën e videove të shkurtëra.

Adobe InDesign është aplikacion i sofistikuar për publikim dhe dizajn faqesh në desktop. Nxënësi me këtë program trajnohet të dizajnoj brendinë e librave, manipulimin me shkronja e rreshta, margjinat, revista – si konceptohet e përdoren madhësitë e shkronjave në të dhe gazetë poashtu si dhe të krijoj katalogje me produkte të ndryshme deri në finalizim giithësecilen dhe ta bëjë të gatshme për shtyp.

Në kursin tonë të vizatimit, do të mësojmë përdorimin e veglave dhe figurave të thjeshta, si linjat dhe format, për të krijuar figura. Do të studiojmë dritën dhe hijen për të shtuar thellësi dhe realizëm në punimet tona. Do të vizatojmë objekte dhe peizazhe të thjeshta, duke përdorur detaje dhe hijezim të avancuar. Gjithashtu, do të mësojmë vizatimin e portretit dhe trupit, duke studiuar proporcionet dhe detajet e fytyrës. Përdorimi i ngjyrave do të ndihmojë për të krijuar atmosferë. Në fund, do të realizojmë një projekt final dhe do të reflektojmë mbi zhvillimin tonë si artistë.

• Adobe After Effects është një aplikacion dixhital i efekteve vizuale, grafikave në lëvizje dhe i kompozimit. Gjithmonë duke e përdorur gamën e mundësive që të jep ky program, nxënësi arrin të krijoj animacione, të perdorë efektet speciale, dhe të animoj figuracione vektoriale në videospote, aranzhimi i elementeve grafike, reklama, spote, përfshirë këtu edhe TV promo, si dhe postproduksion të dokumentarëve e filmave të ndryshme.

Në kursin e fotografisë, do të mësojmë për pjesët kryesore të kamerës dhe përdorimin e saj. Do të studiojmë dritën dhe pozicionimin e objektit për të arritur efektet e dëshiruara. Do të mësojmë rregullin e tretave dhe përdorimin e linjave dhe ngjyrave në kompozim. Do të eksplorojmë lloje të ndryshme fotografish, si portret dhe peizazh, dhe krijimin e historive përmes imazheve. Pas redaktimit të thjeshtë të fotografive, do të përgatitemi për ekspozitën dhe reflektimin mbi punën e bërë.